SJÁLFBÆRNI

Podium leiðir fyrirtæki og sveitarfélög í stefnumótun með sjálfbærni og samfélagsábyrgð að leiðarljósi. Nálgunin er heildræn og tekur mið af fjárhagslegum, umhverfislegum og félagslegum þáttum, ásamt auknum kröfum um gagnsæi og upplýsingagjöf.

• Stefnumótun með sjálfbærni að leiðarljósi

  • Samþætting sjálfbærni í stefnu, markmið og ákvarðanatöku

  • Áhersla á umhverfis-, félags- og stjórnarþætti (UFS/ESG)

• Mannauður og sjálfbærni

  • Efling mannauðs og vinnustaðamenningar með sjálfbærni að leiðarljósi

  • Aukinn skilningur og þátttaka starfsfólks

• Greiningar og forgangsröðun

  • Mikilvægisgreining (e. materiality assessment)

  • Gloppugreining (e. gap analysis) gagnvart kröfum og viðmiðum

• Regluverk og innleiðing

  • Aðstoð við innleiðingu nýrra ESB-reglugerða um sjálfbærniupplýsingagjöf

  • Undirbúningur fyrir auknar kröfur um gagnsæi og skýrslugjöf

• Sjálfbærniskýrslugjöf

  • Gerð sjálfbærniskýrslna samkvæmt ESRS staðli

  • Gerð sjálfbærniskýrslna samkvæmt VSME staðli

• Alþjóðleg viðmið og markmið

  • Innleiðing Heimsmarkmiða Sameinuðu þjóðanna

  • Beiting alþjóðlegra staðla, m.a. GRI, ISO 26000, Global Compact og UFS

Flest öll erum við meðvituð um loftslagsbreytingar og lesum daglega um skógarelda, flóð og tíð mannslát vegna hitabylgja. Mörgum okkar finnst viðbrögð heimsins við þessari vá alls ekki nægilega hröð. Þó er búið að vinna mikla vinnu í að aðlaga regluverkið að sjálfbærari framtíð og eru ærin verkefni framundan hjá íslenskum fyrirtækjum í að innleiða þessa löggjöf. Það er ekki ráð nema í tíma sé tekið því nýjar reglur kalla á nýja staðla sem taka mun tíma að innleiða. Podium tekur að sér samantekt og mælingar fyrir sjálfbærni og samfélagsskýrslur svo sem eins og kolefnisfótspor og aðferðir við kolefnisjöfnun. Notaðir eru alþjóðlegir staðlar og viðmið, svo sem eins og GRI, ESRS, ISO2600, Global Compact, UFS og Heimsmarkmið Sameinuðu þjóðanna. 

​

Eftirfarandi lykilreglugerðir ESB eru hluti af aðgerðaráætlun sambandsins um fjármögnun sjálfbærs vaxtar:

A. EU Taxonomy – Reglugerð um flokkunarkerfi fyrir sjálfbæran rekstur fyrirtækja

B. SFDR – Reglugerð um upplýsingagjöf tengda sjálfbærni á sviði fjármálaþjónustu

C. CSRD – Reglur um form og efni sjálfbærniupplýsinga fyrirtækja og fjárfesta

D. EUGBS – Rammi fyrir útgáfu grænna skuldabréfa

E. EU Climate Benchmarks Regulation – Reglugerð um sjálfbær fjárhagsleg viðmið

F. UCITS, MiFID, AIFMD – breytingar á þremur tilskipunum um samþættingu sjálfbærnisjónarmiða við fjárfestingaráðgjöf og rekstur sjóða